2013 сыл бэс ыйын 5 күнүттэн биһиги Г.С.Донской аатынан Бүлүүтээҕи 2 №-дээх оскуолабытыгар «Сайдыына» уонна  «ДО-МИ-СОЛЬка» диэн күнүскү, үөрэтэр-сайыннарар лааҕырдар үлэлэрин саҕалаатылар.  Маҥнайгы сезоҥҥа барыта 50 оҕо сынньанар. Манна үксүн элбэх оҕолоох, кыаммат ыаллар оҕолоро сынньаналлар. «Сайдыына» лааҕырга алын сүһүөх кылаас оҕолоро айар дьоҕурдарын сайыннараллар, араас оҥоһуктары оҥоро үөрэнэллэр. Онтон «ДО-МИ-СОЛЬка» лааҕырга, аата бэйэтэ да этэ сылдьарын курдук, оҕолор ыллыыр - туойар талааннарын сайыннараллар. Салайааччылар: «Сайдыына» - Ефремова Раиса Семеновна, Иванова Ирина Николаевна, «ДО-МИ-СОЛЬка» - Торотоева Раиса Васильевна, Чиряева Айталина Михайловна.